Árið 2024
Gott fyrsta ár samstæðu.
Ný samstæða Skaga var kynnt formlega í febrúar 2024 og hefur fyrsta starfsár samstæðunnar verið um margt gott. Samstæðan samanstendur af VÍS tryggingum, Fossum fjárfestingarbanka og Íslenskum verðbréfum, en hið síðastnefnda er sameinað félag SIV og Íslenskra verðbréfa, en Íslensk verðbréf komu ný inn í samstæðu Skaga á haustmánuðum 2024. Helstu fréttir ársins
Breytingar á skipuriti og framkvæmdastjórn VÍS trygginga
VÍS tryggingar hafa gert breytingar á skipuriti félagsins og ráðið tvo reynslumikla stjórnendur í störf framkvæmdastjóra.
Skagi kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu.
Samkeppniseftirlitið gerir ekki athugasemd við kaup Skaga á Íslenskum verðbréfum
Kaup Skaga á Íslenskum verðbréfum voru gerð með fyrirvara um samþykki Fjármálaeftirlits Seðlabanka Íslands og Samkeppniseftirlitsins.
Bjarni nýr forstöðumaður fyrirtækjaviðskipta VÍS
Bjarni kemur til félagsins frá KR þar sem hann hefur verið framkvæmdastjóri undanfarin þrjú ár. Hann þekkir tryggingamarkaðinn vel þar sem hann starfaði áður sem viðskipta- og sölustjóri í sjávarútvegi hjá VÍS.
Áfram góður árangur í UFS-mati
Skagi nær áfram góðum árangri í UFS-mati Reitunar og hlaut 80 stig (B1) sem er sami fjöldi stiga og félagið fékk á síðasta ári. Þetta telst góð einkunn og endurspeglar áherslur félagsins í sjálfbærni.
Fyrirmyndarfyrirtæki í stjórnarháttum
Við erum afar stolt af dótturfélögunum VÍS og Fossum fjárfestingarbanka sem hlutu nýlega viðurkenningu Stjórnvísi fyrir góða stjórnarhætti og hlutu þá um leið nafnbótina Fyrirmyndarfyrirtæki í góðum stjórnarháttum.
Fjármálaeftirlit SÍ veitir samþykki fyrir virkum eignarhlutum í ÍV og ÍV sjóðum
Fjármálaeftirlit Seðlabanka Íslands hefur samþykkt að Skagi (Vátryggingafélag Íslands hf.) fari með virkan eignarhlut í Íslenskum verðbréfum hf. og ÍV sjóðum hf. („ÍV“)
Kaup á Íslenskum verðbréfum og ÍV sjóðum frágengin
Kaupin á Íslenskum verðbréfum hf. (ÍV) og dótturfélagi þess ÍV sjóðum, sem tilkynnt var um þann 8. maí sl. eru nú frágengin og rekstur ÍV verður hluti af samstæðu Skaga frá og með fjórða ársfjórðungi.