Skagi og VÍS fyrirmyndarfyrirtæki í góðum stjórnarháttum

Að verkefninu standa Stjórnvísi, Viðskiptaráð Íslands, Samtök atvinnulífsins og Nasdaq Iceland. Viðurkenningarnar byggja á úttektum á stjórnarháttum fyrirtækjanna og taka mið af leiðbeiningum um stjórnarhætti sem Viðskiptaráð Íslands, Samtök atvinnulífsins og Nasdaq á Íslandi gefa út.

Markmið verkefnisins er að efla traust í viðskiptalífinu og styrkja innviði fyrirtækja með því að hvetja til skýrra skilgreininga á ábyrgð og ákvarðanatöku meðal stjórna og stjórnenda. Góðir stjórnarhættir stuðla að faglegum ákvörðunum, ábyrgari rekstri og bættri samskiptamenningu innan fyrirtækja.

„Góðir stjórnarhættir eru grundvallaratriði í rekstri samstæðu Skaga. Þeir skapa skýra umgjörð um ákvarðanatöku stjórna og stjórnenda og stuðla að því að hagsmunir viðskiptavina, hluthafa og starfsfólks séu ávallt hafðir að leiðarljósi. Viðurkenningin er staðfesting á þeirri vinnu sem lögð er í faglega stjórnarhætti innan samstæðunnar og um leið hvatning til að halda áfram á sömu braut. Ég óska stjórnum og starfsfólki Skaga og VÍS til hamingju með árangurinn,“ segir Haraldur Þórðarson, forstjóri Skaga.

Viðurkenningarnar voru afhentar við hátíðlega athöfn í Nauthóli fimmtudaginn 20. ágúst. Bjarni Benediktsson, framkvæmdastjóri Samtaka atvinnulífsins, afhenti viðurkenningarnar.

Guðný Helga Herbertsdóttir, forstjóri VÍS, Vilhjálmur Egilsson, formaður stjórnar VÍS og Bjarni Benediktsson, framkvæmdastjóri Samtaka atvinnulífsins.