Hluthafafundir

Aðalfundur Skaga 17. mars 2026

Stjórn Skaga hf. boðar til aðalfundar félagsins sem haldinn verður þriðjudaginn 17. mars 2026 í höfuðstöðvum félagsins að Ármúla 3, 108 Reykjavík. Fundurinn hefst kl. 16:00 að staðartíma og gefinn er kostur á rafrænni þátttöku. Fundurinn fer fram á íslensku, en boðið verður upp á túlkaþjónustu á ensku.

Hluthafar eða umboðsmenn hluthafa sem hafa hug á því að sækja fundinn, hvort sem er rafrænt eða á staðnum, eru beðnir um að skrá sig á skráningarsíðu fundarins áður en skráningarfrestur rennur út.

Atkvæðagreiðsla mun alfarið fara fram rafrænt, óháð því hvort hluthafar eða umboðsmenn þeirra mæti á fundinn eða taki þátt rafrænt. Opnað verður fyrir forkosningu um þær tillögur sem liggja fyrir á fundinum frá kl. 12 til kl. 14 á fundardegi.

Frestur til að skrá sig er til kl. 16:00 sunnudaginn 15. mars 2026, eða tveimur dögum fyrir fundardag.

Við innskráningu þarf að leggja fram mynd af gildum skilríkjum og umboði, ef við á.

Atkvæðisréttur hluthafa skal miðast við hlutafjáreign eins og hún er skráð við lok skráningarfrests.

Ef einhverjar spurningar vakna er bent á að hafa samband við félagið með því að senda tölvupóst á fjarfestatengsl@skagi.is og fyrirspurnum verður svarað eins fljótt og auðið er.